Viruslar barcha organizm hujayralarida ko’payadigan, xususiy genomga ega bo‘lib, hujayralardan tashqarida yashay olmaydi. Ular odam, hayvon, hasharot, o‘simlik, zamburug’ va bakteriyalarning obligat hujayra ichida yashovchi parazitlari bo‘lib, oqsilnisintezlash, ferment va energiya hosil qilish xususiyatiga ega emas. Viruslar DNK tutuvchi viruslar va RNK tutuvchi viruslar guruhlarga bo‘linadi. DNK tutuvchi viruslarning 17 DNK-genomi va RNK tutuvchi viruslarning 42 RNK-genomi mavjud. Ulardan 6 ta DNK-genomli va 13 ta RNK-genomli viruslar tibbiyot va veterinariyada ahamiyatga ega. Viruslar taxonomiyasi bilan shug‘ullanuvchi Xalqaro qo‘mita tasnifida (1982-y.) viruslar kimyoviy tarkibiga ko‘ra, asosan, ikki guruhga bo‘linadi: 1) DNK tutuvchi viruslar; 2) RNK tutuvchi viruslar.