Sezgi – olamdagi narsa va hodisalar xossalarining miyadagi tahlili bo‘lib, materiyaning sezgi a’zolariga ta’siri va bosh miya po‘stlog‘i nerv markazini qo‘zg‘atishi asosida yuzaga keladi. U bilishning birinchi bosqichi va tarkibiy qismi bo‘lib, idrok, tasavvur kabi hissiy bilish shakllarini keltirib chiqaradi. Sezgilar tashqi qo‘zg‘ovchilarning xususiyatiga qarab tana tuyg‘usi, ko‘rish, eshitish, hid va ta’m bilish sezgilari kabi turlarga bo‘linadi.