Siydik-tosh kasalligi – bu endogen yoki ekzogen sabablarga ko’ra yuzaga kelgan, jumladan irsiy harakterga ega bo’lgan modda almashinuvining buzilishi tufayli yuzaga kelgan, buyrak va siydik yo’llarida toshlarning paydo bo’lishi bilan harakterlanuvchi kasallikdir. Siydik tosh kasalligi (urolitioz) anchagina ko`p tarqalgan kasallikdir. Mumiyolangan murdalarni (qadimiy eramizdan 350-400 yillar avval) tеkshirish natijasida topilgan buyrak toshlariga ko’ra, bu kasallikning naqadar ko’xna ekanligi to’g’risida xulosa qilish mumkun.