Sayyoramizdagi tirik mavjudotlar juda xilma-xildir. Bunga ishonch hosil qilish uchun Vatanimizning chol, adir, tog‘ va yaylovlari yoki o‘tloqzor, to‘qayzorlari, dala va bog‘larini sayr qilish kifoya. Afrika, Janubiy Amerikadagi tropik o‘rmonlarni ko‘z oldimizga keltiraylik. Ular juda xilma-xil o‘lchamga, rangga, hulq-atvorga va boshqa ko‘pgina xususiyatlarga ega. Ularning barchasi birgalikda tirik organizmlar deb ataladi. Organizm — mustaqil hayot kechiradigan mavjudotdir. Zamburug‘, lola, quyon, baliq va bo‘rilarni tirik organizmlar deb qaraymiz, qum zarrachasi, kometa, muzlagan suv kabi larni esa jonsiz tabiatning tarkibiy qismlari deb hisoblaymiz.