Toshbaqalar (Testudines) sudralib yuruvchi hayvonlar turkumi bo‘lib, tanasi suyakmuguz yoki suyakteri sovut bilan qoplangan. Sovut orqa (karapaks) va qorin (plastron) qalqondan iborat. Toshbaqalarning tuzilishi qadim davrdan hozirgacha deyarli o‘zgarmagan. Ular tishsiz, jag‘i tumshuqqa oʻxshash muguz plastinkalar bilan qoplangan. 250 ga yaqin turi mavjud bo‘lib, ularni yashirin boʻyinlilar (Cryptodira) va yonbosh boʻyinlilar turkumlariga ajratishadi. Toshbaqalar quruqlikda va suvda yashovchi turlarga bo‘linadi, oziqlanishi yashil o‘simliklar va kichik baliqlardan iborat. Mamlakatimizda O'rta Osiyo toshbaqasi va dengiz toshbaqasi uchraydi, ular tuxum qo‘yib ko‘payadi.