Tovuqsimonlar qushlarning qadimgi guruhi bo‘lib, yer sharida keng tarqalgan va 250 ta turlarni o‘z ichiga oladi. Ularning tanasi zich, bosh kichik, bo‘yni kalta va tumshugi qavariq. Ular ko‘proq o‘simlik oziqlarini er yuzasidan yoki daraxtlardan oladi. Uchishi tez va og‘ir, ko‘pchilik qisqa masofaga uchadi, faqat ba’zi turlari uzoq migratsiya qiladi. Tovuqsimonlar tundra, o‘rmon, dasht, cho‘l hududlarida yashaydi, ba’zilari odam bilan yonma-yon yashaydi hamda yerda va daraxtda yashovchi turlari mavjud.