Juft tuyoqlilar barmoqlari 1 yoki 2 juftdan bo’ladi. Ular morfologiyasi, anatomiyasiga qarab 2 guruhga bo’linadi: Kavsh qaytaruvchi juft tuyoqlilar, kavsh qaytarmaydigan juft tuyoqlilar. Oyoqlari ancha uzun, oshqozoni to‘rt bo‘lmali, o‘simlikxo‘r hayvonlar. Odatda, o‘simlik tarkibida qiyin hazm bo‘ladigan kletchatka ko‘p bo‘ladi. Kavsh qaytaruvchi juft tuyoqlilarda oshqozonida yashaydigan mayda mikroskopik bakteriyalar va infuzoriyalar kletchatkaning hazm bo‘lishiga yordam beradi. Ular dastlab oziqni yaxshi chaynamasdan yutadi. Oziq oshqozonda mikroorganizmlar ta’sirida yengil hazm bo‘ladigan holatga keladi. Bunday oziq og‘iz bo‘shlig‘iga qaytarib chiqariladi va tishlar yordamida qayta yaxshi chaynalib (kavshalib), yana oshqozonga yutiladi.