Professor Goldovskiy nazariyasi bo‘yicha (1930-1960) moyli mahsulot tarkibidagi moy nihoyatda kichik ultramikroskopik kapilyarlar ichida joylashgan deb hisoblagan. Kapilyar qobig‘ining pishshiqligi mahsulotning mexanik mustahkamligidan bir necha marta ustun keladi. Keyinchalik, 1960-1970 yillar maboynida bu nazariyaga qarshi Leontevskiy nazariyasi paydo bo‘lib, moyli mahsulotlarning tuzilishini elektron mikroskop yordamida tekshirish natijasida moy ultramikroskopik kapilyarlarda emas, balki shar shaklidagi globula yoki sferasomalarda yig‘ilishi ta’kidlangan. Sherbakov va o‘quvchilari tamonidan moyli mahsulotlarning ichki tuzilishi mukammalroq o‘rganilgan bo’lib, elektron mikroskop yordamida hujayra 20–40 ming marta kattalashtirilib ko‘rilganda haqiqatdan ham moyli urug‘lar tarkibidagi moy shar shaklidagi sferosomalarda hujayra ichida yig‘ilishi tasdiqlangan.