Zamburug`lar hayotning o`ziga xos shakli bo`lib, eukariot organizmlar hisoblanadi. Ular o`simliklarga xos, hayvonlarga xos xususiyatlarni mujassamlashtirgan organizmlardir. Zamburug`lar milliard yillar avval paydo bo`lgan va suv hamda quruqlik ekosistemalarining ajralmas muhim qismiga aylangan. Yashash muhitlari xilma xil bo`lib, suv, quruqlik, havo muhitlarida tarqalgan. Biosferadagi roli juda katta bo`lib, organik modda qoldiqlarini mineral moddalarga aylantiradi.