Zaytundoshlar oilasi 25 ga yaqin turkum va 400 dan ortiq turlardan iborat bo‘lib, bu yerga daraxt va butalar kiradi. Barglari oddiy yoki murakkab, barg chetlari tekis. Gullari ikki jinsli, aktinomorf, ko‘pincha ikki uyli va qo‘sh gulqo‘rg‘onli. Urug‘chisi ikki mevabargli, tugunchasi ustki, va mevasi rezavor, danakli, yong‘oqcha, qanotli pistacha yoki ko‘sakcha bo‘lishi mumkin. Ligistrum turkumi doimiy yashil kichik butalar yoki daraxtlardan iborat, gullari ikki jinsli, oq rangli, mevalari qora rangli rezavor danakli mevadir.