Bir-biridan biror masofada (dipol yelkasi) joylashgan ikkita teng, lekin qarama-qarshi ishorali nuqtaviy elektr zaryadlaridan iborat sistema elektr dipoli (dipol) deb ataladi. Dipolning asosiy xarakteristikasi uning elektr momenti yoki dipol momentidir. Dipol momenti bir vektor bo‘lib, zaryadning masofa (dipol elkasi) bilan ko‘paytmasiga, ya’ni p = <jl ga teng va manfiy zaryaddan musbat zaryad tomonga yo‘nalgan bo‘ladi. Dipol momentining birligi kulon-metr. Dipolni kuchlanganligi E bo‘lgan bir jinsli elektr maydoni ichida joylashtiramiz. Dipolning har bir zaryadiga F+ = qE va F_ = ~qE kuchlar ta’sir etadi; bu kuchlar qarama-qarshi yo‘nalgan bo‘lib, kuchlar jufti momentini hosil qiladi.