Инфрақизил нурли қизитиш - нур таратгичнинг спектрал нур таратиш характеристикаси қизитиладиган жисм (материаллар)лар нур ютиш характеристикаларига мослиги билан фарқланувчи нур ёрдамида қизитишнинг алощида туридир. Инфрақизил нурлар тўлқин узунлиги 0,8 мкм участкада анчагина юқори даражада иссиқлиқ, таъсири кўрсата оладиган оптик нурлар спектрида тўлқин узунлиги 0,780 - 1000 мкм ли участкани эгаллайдиган электромагнит тўлқинлардир. Кўпчилик моддаларнинг нур ютиш хоссаси асосан спектрнинг инфрақизил нурлар сощасига мос келади. Инфрақизил нурларнинг спектр соҳаси қуйидагича бўлинади: ИК-А (тўлқин узунлиги 0,780-1,4 мкм), ИК-В (1,4-3,0 мкм), ИК-С (3,0-1000 мкм).