Malakaviy bitiruv ishi lazerlarning yangi avlodlarini yaratish va ularning ilmiy tadqiqotlarda, xususan tibbiy diagnostika va moddalarning tahlilida qo‘llanilishini o‘rganishga bag‘ishlangan. Ishda lazerlarning fizika qonunlari, induksiyalangan nurlanish hosil qilish jarayonlari, lazerlarning turli turlari (qattiq jismli, suyuq, gazli va ionli lazerlar) tavsifi keltirilgan. Geliy-neon lazerlarining tuzilishi, ishlash prinsipi va ta’siri tahlil qilingan. Ishda lazerlarning zamonaviy tadqiqot yo‘nalishlaridagi ahamiyati va ularning quvvatlari, to‘lqin uzunliklari, spektr xususiyatlari haqida ma’lumotlar berilgan.