Bitiruv malakaviy ishi “Yorug’likning kombinatsion sochilishi va uning qo’llanishi” mavzusida tayyorlangan bo‘lib, unda yorug‘likning muhitlardan noelastik va kombinatsion sochilishining fizik asoslari, DFS-52 spektrometri yordamida o‘tkazilgan tajribalar, ularning natijalari tahlili va molekulalararo o‘zaro ta’sirlarning spektroskopik hamda kvanto-kimyoviy hisoblashlar orqali o‘rganilishi bayon etilgan. Ishda atsetonitril va uning izopropil spirtidagi eritmalari asosiy tadqiqot obyekti sifatida tanlangan. Tadqiqot ilmiy asoslangan holda moddalarning molekulyar optik xossalari, agregat holatlarida o‘zaro ta’sir jarayonlari, shuningdek, fizik va kimyoviy o‘zgarishlar ko‘rsatkichlarini tahlil qiladi. Natijalar optik, molekulyar optika va lazer fizikasiga oid fanlarni o‘qitishda hamda sanoatda amaliy foydalanish uchun muhimdir.