O‘zbekistonda avtomobil yo‘llari mamlakatning muhim boyligi bo‘lib, Respublika iqtisodiѐtining tayanchi va uni rivojlantirishning asosiy ustuvor yo‘nalishlaridan biri hisoblanadi. Yo‘llarni tumanlashtirish fizik‑geografik tumanlashtirish nazariyasi va amaliyotiga asoslangan holda rivojlangan. Yo‘llarni tumanlashtirishni rivojlanishining birinchi bosqichi hududlarni yo‘l‑iqlim tumanlashtirishdan iborat bo‘lgan. Yo‘l-iqlim tumanlashtirish g‘oyasi birinchi marotaba XX-asr o‘rtalarida A.V. Gerburt-Geybovich tomonidan boshlangan va bunda hududning gruntlar joylashish xaritasida gruntlarni muzlashi davomiyligi bo‘yicha mintaqalarga ajratilgan. Keyinchalik bu ishlar S.L. Bastamov va L.A. Preferensovalar tomonidan rivojlantirilgan. Yo‘llarni tumanlashtirishning asosiy tamoyillari D.Dubelir tomonidan ishlab chiqilgan.