Qoyqırılgan qala-áyyemgi ottısúyiwshiler ibadatxanası, Xorezm arxeologiyalıq-etnografiyalıq ekspediciyası (basshısı S. P. Tolstov) dizimge algan (1938). 1951-57-jıllardaǵı qazıwlar nátiyjesinde eski xorezmlilerdiń maqbara-qasırı hám eramızǵa shekemgi 4 - 3-ásirlerge tiyisli dóńgelek formasındaǵı eki qabatlı oraylıq ibadatxana imaratı (diametri 44,4 m, bal. 9,5 m átirapında) qazıp úyrenilgen. Ibadatxana átirapı 2 qatar paxsa hám shiyki gerbishten tiklengen qorǵanıw diywalı menen oralǵan. Qorgan átirapında xandaq (eni 15 m, shıq. 3 m) bolip, áyyemde suw menen toltırılgan.