Huquqbuzarlik huquq va muomala layoqatiga ega subyekt tomonidan harakat yoki harakatsizlik ko’rinishida sodir etiladigan, huquq normalari talablariga zid keluvchi hamda, shaxsga, mulkka, davlatga va butun jamiyatga zarar keltiruvchi ijtimoiy xavfli qilmishdir. Huquqbuzar jamiyatning qadriyatlariga tajovuz qiladi, inson hayotiga suiqasd qiladi, davlat va boshqa insonlarga zarar keltiradi, ularning mol-mulkini nobud qiladi hamda noxush hodisalar keltirib chiqarib, jamiyat a’zolari manfaatlariga zarar yetkazadi. Ijtimoiy xavflilik huquqbuzarning qonun yoki huquq normalari belgilab qo’ygan majburiy talablarini buzishdir.