Мустақиллик йилларида қонун ижодкорлиги фаолияти соҳасида туб демократик ислоҳотлар амалга оширилиб келинмоқда. Хусусан, қонунчилик ҳокимияти органининг икки палатали парламент сифатида қайта шакллантирилганлиги қабул қилинаётган қонунларнинг сифати ва самарадорлигини ошишига олиб келди. Шу билан бирга, қонун ҳужжатларини қабул қилиш жараёнининг ҳамда ушбу жараён асосида яратиладиган қонунларнинг сифати ва мукаммаллиги кўп жиҳатдан қонунчилик техникасини такомиллаштиришга, ундан самарали фойдаланишга боғлиқ. Бинобарин, қонунчилик техникаси янги қонун лойиҳасини тайёрлаш, амалдаги қонун ҳужжатларига ўзгартириш ва қўшимчалар киритишни, айрим қонун ҳужжатларини бекор қилиш билан боғлиқ бутун фаолият жараёнида қўлланилади. Таъкидлаш жоизки, анча мураккаб бўлга