Mehnat ta'tili vaqtning shunday muayyan bir davriki, uning muddati qonun hujjatlarida belgilab qo‘yilganidan kam bo‘lmaydi va har bir xodimga uzluksiz dam olish hamda mehnat qobiliyatini tiklash uchun ish joyi va o‘rtacha ish haqi saqlangan holda har ish yilida beriladi. Barcha xodimlarga ish joyi (lavozimi) va o‘rtacha ish haqi saqlangan holda yillik mehnat ta'tillari beriladi. O‘zbekiston Respublikasining Mehnat kodeksiga ko‘ra ta'tillarning to’rtta turi nazarda tutilgan: Yillik mehnat ta'tillari, Ish haqi qisman saqlanadigan ta’til, Ijtimoiy ta'tillar, Ish haqi saqlanmagan holda beriladigan ta'tillar. Mehnat kodeksining 213-moddasiga koʻra ish beruvchi bilan tuzilgan mehnat shartnomasi asosida mehnat faoliyati