Atrofimizdagi narsalar — biror shaxs egalik qiladigan yoki foydalanadigan predmetlar, buyumlar, obyektlarning hammasi mulk demakdir. O‘zbekiston Respublikasi Konstitutsiyasida (36-modda) har bir inson mulkqa ega bo‘lish huquqi qayd qilingan. Mulk huquqi shaxsning o‘ziga tegishli mol-mulkqa o‘z ihtiyoriga ko‘ra egalik qilish, undan foydalanish va uni tasarruf etish huquqidir. Mulkdan «foydalanish» undan foydali xossalarni olish (samarani olish, daromad topish) demakdir. Mol-mulkka «egalik qilish» esa: uni sotish, almashtirish yoki sovg‘a qilish huquqiga; o‘zgartirish, ya’ni xossalarini yaxshilash yoki yomonlashtirish huquqiga; mol-mulkni yo‘q qilish huquqiga ega bo‘lishdir.