Bu maqolada birinchi Prezidentimiz I. A. Karimovning ta'kidlaganidek, "Biz, eng avvalo, huquqiy asosni tayyorladik, jamiyatimizning asosiy aqidalar, uning siyosiy, iqtisodiy va ma'naviy yo'nalishlari belgilab berilgan konstitutsiyamiz ham ana shu asosga qurilgan. Biz qonunchilik bazasini barpo etib, butun davlat tuzilmasini o'zgartirdik. U hozir bozor maqsadlariga javob beradi". Mazkur normativ huquqiy baza bugungi kunda mamlakatimizda amalga oshirilayotgan islohotlarni huquqiy jihatdan ta'minlashga asos bo'lib xizmat qilmoqda. Shu bilan birga, ayrim qonunchilik hujjatlarini ijtimoiy voqelikda to'la o'z ifodasini topgan, deb bo'lmaydi. Ayrim hollarda qonunlarning sifati va mazmuni jamiyatda yuzaga kelayotgan ijtimoiy munosabatlarining mazmuni va mohiyatiga zarur darajada mos kelmaydi.