Kompyuterlar ma’lumotlarni elektr signallar orqali qayta ishlaydi. Elektr signallari faqat ikki holatda mavjud bo‘lishi mumkin: "bor" yoki "yo‘q", bu esa mos ravishda ikkilik sanoq tizimida "1" va "0" sonlariga to‘g‘ri keladi. Ushbu ikki raqamli tizim kompyuterlar uchun juda qulay, chunki ular elektr signallarini boshqarishda oddiy va samarali yechimni taqdim etadi. Ikkilik sanoq tizimi har bir bit ma’lumotni yoki 1 yoki 0 ko‘rinishida ifodalaydi, va kompyuterlarning barcha komponentlari ushbu asosiy printsipga amal qiladi. Bu mavzuda kompyuterning asosiy komponentlari – protsessor (CPU), operativ xotira (RAM), doimiy xotira (ROM, SSD, HDD), va grafik protsessor (GPU)larda ikkilik tizim bilan qanday ishlashini ko’rib chiqamiz.