Macromedia Flash — Adobe dasturlaridan biri bo‘lib, ob’ektlarni hosil qilish, chizish, harakatlantirish animatsiyalari, tovushli fayllarni o‘rnatish va roliklar ustida amallar bajarish imkoniyatiga ega. Ushbu dastur yordamida kichik animatsiyalar, Internet sahifalar va elektron qo‘llanmalar yaratish mumkin. Flash animatsiya fayllari Power Point taqdimotlariga nisbatan yanada interaktiv va original bo‘lib, dasturlash imkoniyatlari bilan boyitilgan. Dastur Windows muhitida oddiy ishga tushiriladi va vaqt chizg‘ichi, qatlamlar, kadrlar va boshqa funksiyalar orqali animatsiyalarni yaratish va boshqarish qulayligini ta’minlaydi.