Olti bo‘g‘inli fazoviy mexanizm tarkibidagi kinematik juftlar V-klass bo‘lib, ularning o‘qlari bir-biriga parallel bo‘lsin degan umumiy cheklanish kiritaylik. Fazoviy 6 bo‘g‘inli mexanizm Malishev-Somov formulasidan foydalanib erkinlik darajasini topsak, W=0 bo‘lishini ko‘rishimiz mumkin, lekin bunday mexanizm ishlaydi va defolyatsiya qiluvchi mashina OVX-14, OVX-28 larda ishchi organ uzatmasi sifatida qo‘llanilgan. Agarda shatunga qo‘shimcha bitta V-klass kinematik juft qo‘yilsa, u holda mexanizmni erkinlik darajasi W=1 teng bo‘ladi. Lekin quyidagi shartlar, ya’ni 1-2 va 4-5 kinematik juftlar bir-biriga perpendikulyar bo‘lgan taqdirda qo‘shimcha kinematik juft kerak bo‘lmaydi.