Transport inshootlarini tekshirishda nuqsonli qaydnomalarni tuzish, transport inshootlarining texnik holati tо‘g‘risida xulosa tuzish ishlari bajariladi. Konstruksiyalarni tekshirish jarayonida rо‘yxatlar yoki jadvallarga tushirish maqsadga muvofiq bо‘lgan nuqsonlar oshkor qilinadi. Ular ixtiyoriy shaklda, masalan, jadval kо‘rinishida bо‘lishi mumkin, hamda nuqsonning holati (о‘rnashgan joyi, о‘qlargacha masofasi, qavat va h.k.) beriladi; nuqson sxematik tarzda belgilanadi va uning vujudga kelish ehtimoliy sabablari kо‘rsatiladi; nuqsonni bartaraf qilishning, mazkur davrda taxmin qilinayotgan usullari va h.k. keltiriladi. Agarda kо‘pgina nuqson va shikastlanishlarga ega bо‘lgan yirik о‘lchamli konstruksiya tekshirilayotgan bо‘lsa, uning sxemasini alohida chizib olish zarur. Masalan, fermani, kranosti tо‘sinini, pog‘onasimon kolonnani, fazoviy konstruksiyani va h.k.