Mazkur ishda chet tilini o‘rgatishda og‘zaki nutq ko‘nikmalarini rivojlantirish maqsadida matnlardan foydalanish ahamiyati o‘rganilgan. Ishda nutq so‘zlash, tushunish va fikr almashish ko‘nikmalarini shakllantirish uchun matnlar yordamida treninglar va interaktiv vazifalar taqdim etilgan. Nutqning aniqligi, erkinligi, lug‘at va grammatik bilimlarni rivojlantirish vazifalari ko‘rib chiqilgani, shuningdek, o‘quvchilarni og‘zaki nutqda o‘z fikrini ifodalashga rag‘batlantirish zarurligi ta’kidlangan. Matnlar yordamida o‘qish va nutq ko‘nikmalarini yaxshilash orqali o‘quvchilarning akademik va kasbiy faoliyatlarida muvaffaqiyatlari oshirilishi maqsad qilingan.