«Agrobiznesni tashkil etish va boshqarish» fani qishloq xo‘jaligi sohasida cheklangan yer-suv, mehnat resurslari va investitsiyalardan samarali foydalanishni o‘rganish, agrar sohaning iqtisodiyotdagi o‘rni va rivojlanish yo‘llarini tahlil qilish, fermer xo‘jaliklari va agrobiznes korxonalarini tashkil etish, boshqarish va ishlab chiqarish samaradorligini oshirishga qaratilgan. Fan qishloq xo‘jaligi mahsulotlarini yetishtirish, qayta ishlash, sotish va boshqarish tizimlarini o‘z ichiga oladi hamda innovatsiyalar, intensiv texnologiyalar va klaster tizimini qo‘llash muhimligini ta’kidlaydi.