Xalq banki — O‘zbekiston hududida tashkil etilgan birinchi bank bo‘lib, 1875-yildan faoliyat yuritadi. Bank O‘zbekiston aholisi va kichik hamda o‘rta biznes vakillariga keng ko‘lamda moliyaviy xizmatlarni taklif qiladi. U yuridik va jismoniy shaxslar uchun depozitlar, turli kredit turlari, akkreditiv operatsiyalari, bank kartalarini chiqarish, pensiya hisoblarini yuritish, interaktiv bank xizmatlari, xalqaro pul o‘tkazmalari va boshqa xizmatlarni taqdim etadi. Xalq banki mamlakat pul-kredit sohasida hukumatning moliya agenti sifatida faoliyat olib boradi hamda iqtisodiyotning ustuvor tarmoqlarini rivojlantirish uchun kredit va investitsiya resurslarini jalb qiladi. Bankning salohiyati barqaror, filiallar tarmog‘i keng va ilg‘or texnologiyalar bilan jihozlangan. Shuningdek, bank tasarrufida “Xalq Sug‘urta” sug‘urta kompaniyasi faoliyat yuritadi.