Avtomobil yoʻli — avtomobil transporti qatnoviga moʻljallangan muhandislik inshooti bo‘lib, u yer poyi koʻtarmasi, yoʻl toʻshamasi, qatnov qismi, yoʻl cheti, sun’iy va chiziqli inshootlar hamda boshqa jihozlardan tashkil topadi. Yoʻllar xalqaro, davlat va mahalliy ahamiyatga ega boʻlib, ularning qoplama turlari va kengliklari harakat qulayligi va xavfsizligini ta’minlashga xizmat qiladi. Harakat xavfsizligi uchun yoʻl belgilar, koʻrsatkichlar va boshqa boshqaruv qurilmalari oʻrnatiladi.