Ўзбекистонда балиқчилик соҳасини тиклаш ва ривожлантириш мақсадида “Ўзбекбалиқсаноат” уюшмаси ташкил этилган. Тизимга 3600 та балиқчилик хўжалиги киритилган. Жорий йилда бир неча минг гектар табиий ва сунъий сув ҳавзаларида 100 минг тоннадан ортиқ балиқ етиштирилди. Вьетнам ва Хитойнинг технологиялари асосида интенсив усулда балиқ етиштириш ва озуқаси ишлаб чиқариш йўлга қўйилган. Келгуси йилда балиқ етиштириш ҳажмини 150 минг тоннага ошириш учун бир қатор лойиҳалар амалга оширилади, янги сунъий сув ҳавзалари ташкил этилади ва маҳаллий иқлимга мослаштириш ишлари олиб борилади.