O‘zbekiston mustaqillikni qo‘lga kiritib, siyosiy-iqtisodiy va ijtimoiy munosabatlar isloh qilina boshlashi, bozor iqtisodiyotiga o‘tish davomida respublikaning milliy manfaatlarini himoya qilishga da’vat etilgan mustaqil davlat bojxona siyosati ishlab chiqila boshlandi va uni amalga oshirishga kirishildi. Ushbu siyosat xalqaro amaliyotda to‘plangan bojxona ishi tajribasiga tayanadi va iqtisodiyot va jamiyatning o‘tish davridagi o‘ziga xos vazifalarini hal etishi kerak.