Mazkur uslubiy qo‘llanma “Ekonometrika” fani bo‘yicha amaliy mashg‘ulotlarni va mustaqil ta’limni tashkil etish uchun mo‘ljallangan. Unda ijtimoiy-iqtisodiy hodisa va jarayonlarning ekonometrik modellarini tuzish, modellar yordamida iqtisodiy subyektlar holatini tahlil qilish, optimal qarorlar qabul qilish, modellarni turli usullar bilan tekshirish va tadbiq etish hamda ijtimoiy-iqtisodiy ko‘rsatkichlarni prognoz qilish yo‘llari yoritilgan. Uslubiy qo‘llanmada regressiya tahlillari, vaqt qatorlari modellari, ekonometrik model tuzish usullari, shuningdek amaliy dasturlar (MSExcel, Minitab, Gretl, EViews, Stata) yordamida masalalarni yechish bo‘yicha ko‘rsatmalar mavjud. Qo‘llanma bakalavr talabalariga mo‘ljallangan bo‘lib, iqtisodiyot sohasida iqtisodiy jarayonlarni modellashtirish va tahlil qilishda amaliy ko‘nikmalarni shakllantirishga xizmat qiladi.