Эконометрика — иқтисодиётдаги миқдорий қонуниятлар ва ўзаро боғлиқликларни математик статистика усуллари ёрдамида тадқиқ қиладиган фан. Унда корреляцион-регрессион таҳлил асос қилинган. Эконометрика фанининг вазифаси — иқтисодий кўрсаткичларни таҳлил қилиш, бозор конъюнктурасини ўрганиш, эконометрик моделлар ёрдамида турли иқтисодий вазиятларни таҳлил қилиш ва фирманинг бозор стратегиясини танлашда қарор қабул қилишга ёрдам бериш. Моделлаштириш эконометрикада муҳим усул бўлиб, у иқтисодий объект ва жараёнларни математик тасвирлаш ва таҳлил қилишни ўзида жамлаган.