Biznesning globallashtirish va alohida mamlakatlarning transport tizimlarining jahon transport tizimiga integrallanishi ular orqali asosiy tranzit yuk oqimlari o‘tadigan xalqaro transport yo‘laklarining intensiv rivojlanishini talab qiladi. Hozirgi kunda xalqaro transport yo‘laklari faqatgina transmilliy korporatsiyalar va kompaniyalarning global logistik strategiyalarini amalga oshirish mexanizmi bo‘lib qolmasdan, balki yuklarni yetkazib berishning zamonaviy logistik texnologiyalarini (intermodal, multimodal, terminallar, JIT, «eshikdan-eshikkacha» va boshqalar) joriy qilish uchun sinov maydoni vazifasini ham o‘tamoqda.