Iqtisodiy o‘sish kategoriyasi iqtisodiyot amal qilishining asosiy ko‘rsatkichlari jumlasiga kirgan holda, u real yalpi ichki mahsulotning yildan-yilga hajmining ko‘payishini yoki aniqroq qilib aytganda aholi jon boshiga real yalpi ichki mahsulot miqdorining oshishini ko‘rsatadi. “Iqtisodiy rivojlanish” kategoriyasi “iqtisodiy o‘sish” bilan chambarchas bog‘liq ko‘p o‘lchamli va ko‘p qirrali ko‘rsatkich bo‘lib, mamlakatda ijtimoiy institsional va siyosiy o‘zgarishlar, aholining turmush darajasini, inson ehtiyojlarining qondirish darajasini ifodalaydi. Darhaqiqat, “iqtisodiy rivojlanish” kategoriyasi “iqtisodiy o‘sish” tushunchasiga nisbatan keng ma’noli hisoblanadi.