Молиялаштириш деганда корхона ва ташкилотларни, турли иқтисодий дастурларни ва иқтисодий фаолият турларини, қурилаётган объектлар ва қурилишларни зарур бўлган молиявий ресурслар билан таъминлаш тушунилади. Мамлакатимизда инвестиция фаолиятини амалга оширишдаги энг асосий масала – уларни молиявий ресурслар билан таъминлаш, яъни молиялаштириш масаласидир. Инвестиция фаолиятини молиялаштириш деганда - инвестиция лойиҳасини ишлаб чиқиш, уни амалиётга мақсадли тадбиқэтиш, яъни лойиҳани амалга ошириш ва эксплуатация қилиш мониторингини олиб бориш, харажатларни қоплаш учун оптимал инвестиция ресурсларини шакллантириш ва уларнинг ҳисоб-китобини чиқариш ҳисобланади.