Mazkur kurs loyihasi uslubiy ko‘rsatmalarida issiqlik texnologik jarayonlari va qurilmalari bo‘yicha sanoat va qishloq xo‘jaligida qo‘llaniladigan quritgichlarning turlari, hisoblash usullari hamda loyihalash prinsiplari bayon etilgan. Ishda quritish jarayonining uzluksizligi, issiqlik eltuvchilar va quritgichlarning turli tiplaridagi hisob-kitob usullari, quritgichni tanlash me’yorlari hamda konvektiv quritgichlarning issiqlik hisob-kitobi kabi muhim jihatlar yoritilgan. Ish texnik gidroaerodinamik hisoblashlar asosida, loyiha talablaridan kelib chiqib, sanoat uchun optimal quritgichni tanlash va loyihalashga qaratilgan.