Marketing - mahsulotni ishlab chiqarishdan boshlab toki uni sotishni tashkil etilishigacha bo‘lgan majmuaviy tizimdir. Bu tizim tovarlar (xizmatlar) ishlab chiqarish, narxlashtirish, tayyor mahsulotlar taqsimoti va sotilishini tashkil qilish orqali iste’molchilarga va ular guruhi talablarini qondirishga yo‘naltirilgan. Marketingning vazifasi korxonaning ishlab chiqargan tovarlari (xizmatlari) almashuv jarayoni bilan bog‘liq boshqaruv tizimini yaratishdan iborat. Asosiy tamoyillari bozorni bilish, bozorga moslashish, va bozorga ta’sir o‘tkazishdan iborat. Marketing funktsiyalari analitik, ishlab chiqarish, savdo-sotiq, boshqaruv va nazoratni o‘z ichiga oladi.