Masofaviy bank xizmatlari bank mijozlariga bank muassasasiga tashrif buyurmasdan, kompyuter yoki mobil telefon orqali bank operatsiyalarini amalga oshirish imkonini beradigan xizmatlar kompleksidir. Ushbu tizimlar mobil banking, SMS banking, internet banking va Bank-mijoz dasturlarini o‘z ichiga oladi. Masofaviy banking mijozlarga moliyaviy ma’lumotlarni olish va to‘lovlarni amalga oshirish imkoniyatlarini taqdim etadi, shuningdek, tijorat banklari xizmatlarining samaradorligini oshiradi va innovatsion iqtisodiyotni rivojlantirishga xizmat qiladi. O‘zbekistonda ushbu xizmatlar keng qo‘llanilib, mijozlar vaqt va mablag‘ni tejagan holda, bank bilan masofadan turib samarali ishlash imkoniga ega.