Moliyaviy natijalar - bu xo‘jalik yurituvchi subyektning ma’lum hisobot davrida tadbirkorlik faoliyati jarayonida o‘ziga qarashli mablag‘ning oshishi yoki kamayishidir. Bozor iqtisodiyoti sharoitida xo‘jaliklarning foyda bilan faoliyat ko‘rsatishi, xo‘jalik iqtisodiyotining mustahkamlanishi, mustahkam moliyaviy holatga ega bo‘lishi, xodimlar farovonligining ko‘tarilishini, soliqlar va boshqa tushumlardagi hissasining oshishi tufayli mamlakat milliy mahsulotiga qo'shgan ulushining oshib borishini ta’minlaydi. Moliyaviy natija buxgalteriya hisobi ma’lumotlari asosida aniqlanadi va metodologiyaga asoslangan bo‘lib, har bir davrning talab va xususiyatlaridan kelib chiqib buxgalteriya hisobini yuritish va uning ma’lumotlari asosida moliyaviy natijani aniqlash xususiyatlariga ega.