Ushbu loyiha O'zbekiston Respublikasi avtomobil yo'llari tarmog'ining rivojlanishi va takomillashtirilishini ko‘zda tutadi. Strategiyaning asosiy maqsadi yo‘l tarmog‘ining ekspluatatsiya qilish xususiyatlarini oshirish, iqtisodiyotning barqaror rivojlanishiga yordam berish, mudofaa qobiliyatini mustahkamlash va aholining turmush darajasini yaxshilashdir. Loyihada yo‘l qurilishi, transport yo‘laklarini rekonstruksiya qilish, transport harakatining samarali va xavfsiz tashkil etilishi, yo‘l xavfsizligini oshirish va atrof muhitni himoya qilish kabi yo‘nalishlar mavjud.