Moliya vazirligi huzuridagi byudjetdan tashqari Pensiya jamg‘armasi tomonidan fuqarolarning davlat pensiya ta’minotini tashkil etishda axborot texnologiyalarini joriy qilish ustuvor yo‘nalishlaridan biri deb belgilangan. O‘tgan davr mobaynida pensiya va nafaqalarni to‘g‘ri tayinlanishi va to‘lanishi bo‘yicha joylarda o‘tkazilgan tekshirishlarda ko‘plab hollarda hujjatlarni soxtalashtirish, mehnat staji va oylik ish haqlarini oshirib ko‘rsatish, pochta va bank xodimlari tomonidan mablag‘larni o‘zlashtirish hamda boshqa holatlar natijasida ortiqcha to‘lovlarga yo‘l qo‘yilganligi aniqlangan.