R.Solou tomonidan 1956-1957 yillarda ishlab chiqilgan neoklassik iqtisodiy o‘sish modeli. Model iqtisodiy o‘sishni mehnat, kapital va er kabi mustaqil ishlab chiqarish omillari asosida tahlil qiladi, Kobb-Duglas ishlab chiqarish funksiyasidan foydalanadi va jamg‘arish normasi, investitsiyalar, amortizatsiya kabi omillar orqali iqtisodiyotning uzoq muddatli barqaror muvozanat holatini ko‘rsatadi. Modelda iqtisodiy o‘sishning asosiy omili sifatida kapital jamg‘arish hisoblanadi, aholi soni o‘sishi va texnologik taraqqiyotning muhim ta'siri ham tahlil qilinadi. Solou modeli iqtisodiy o‘sishning metodologik asoslarini shakllantirib, ishlab chiqarish jarayonlari va investitsiya-muvozanat tizimini matematik ravishda tavsiflaydi.