Ushbu o‘quv kursi sanoat korxonalarida ishlab chiqarishni tashkil etish fanining obyekti, predmeti, mazmuni, vazifalari va metodologiyasini o‘rgatadi. Kursda iqtisodiy qonunlarning sanoat korxonalari faoliyatiga ta‘siri, ishlab chiqarishni tashkil etish va rejalashtirishning zamonaviy usullari, boshqaruv va iqtisodiy bilimlar keng ko‘lamda yoritiladi. Kurs iqtisodiyot nazariyasi bilan bog‘liq bo‘lib, ishlab chiqarish jarayonlarini optimallashtirish, resurslardan samarali foydalanish, boshqaruv va iqtisodiy kibernetika elementlari o‘rganiladi. Shuningdek, ilmiy metodologiya, dialektika va iqtisodiy modellashtirish usullari kurs dasturida o‘z aksini topadi.