Soliqlar davlat byudjetining ijtimoiy-iqtisodiy taraqqiyotini taʼminlashdagi asosiy dastak hamda davlatning samarali faoliyatini amalga oshirishi uchun byudjet daromadlarini yetarliligi va uzluksizligini taʼminlashning muhim vositasi hisoblanadi. Soliq tizimining barqarorligini va toʼlaqonli amal qilishining dastlabki bosqichi – bu soliqlarni joriy etish masalasi boʼlsa, galdagi bosqichi esa uni undirish tartiblarini ishlab chiqishdir. Soliqlarni undirish tartiblarining oʼzi ham soliqlarni undirishga xizmat qiluvchi qoʼshimcha qonun va qonunosti hujjatlarini ishlab chiqish va soliqlarni undirish jarayonida uslubiy asos boʼluvchi va amaliy undirish jarayonini taʼminlovchi koʼrsatkichlar (mezonlar) tizimini yaratish hisoblanadi. Bunday koʼrsatkichlar tizimi esa odatda soliq elementlari deb ataladi. Аmmo, soliq tamoyillarini qoʼllagan holda soliqqa tortilishi jarayonlarini mukammal darajada izohlab bera olmaydi. Soliqqa tortish jarayonida esa bu masalani yechishda soliq bazasi muhim ahamiyat kasb etadi. Soliq tizimini tartibga solishda hukumat turli usul va choralardan yetarlicha foydalanadi va zaruriy harakatlarni amalga oshiradi. Jumladan soliq bazasini aniqlashning jahonda turli metodlari mavjud bo’lib, ular har bir mamlakatning ijtimoiy-iqtisodiy, siyosiy holatidagi siyosatidan, qolaversa, geografik joylashbi, iqlimiy xususiyatlaridan, qolaversa, diniy va mentalitet qarashlari orqali shakllantiriladi.