Talab - bu tovar ishlab chiqarish kategoriyasiga mansub bo'lib, ijtimoiy-iqtisodiy kategoriyadir. Bu bozorga chiqarilgan konkretni (aniq) tovarlarga bo'lgan kishilar ehtiyojini ifodalash shaklidir. Ehtiyoj - kishilar ijtimoiy talabini qondirishdir. Ehtiyoj talabning mohiyatini, hajmini, tarkibini va dinamikasini ifodalaydi. Shuning uchun tovarlarga bo'lgan ehtiyoj talabga nisbatan ilgari paydo bo'ladi. Amaliyotda talab qimmat ko'rsatkichlari bilan ifodalaydi.