Mamlakatning iqtisodiy va siyosiy rivojlanishi bevosita temir yо‘llari bilan bog‘liq. Shu bois mamlakatimizda mustaqillikka erishilgandan keyin temir yо‘l inshootlari va qurilmalarini rivojlantirish, yaxshilashga tobora katta e’tibor berilmoqda va katta hajmdagi sarmoyalar ajratilmoqda. Temir yо‘l tizimida temiryо‘l stansiyalari muhim rol о‘ynaydi. Temiryо‘l stansiyasi deb, yо‘llari poyezdlarni qabul qilish, jо‘natish, о‘zaro kesishuv va quvib о‘tish amallarini, yuklarni qabul qilib olish, berish, yо‘lovchilarga xizmat kо‘rsatish amallarini bajarish, poyezdlarni tarqatish va tuzish bо‘yicha manyovr ishlarini hamda poyezdlar bilan texnik amallarni bajarishga qodir bо‘lgan alohida punktga aytiladi.