Бозор иқтисодиёти корхона (ташкилот), банклар ва фуқароларга ташқи иқтисодий фаолиятни ва валюта хўжалигини мустақил тарзда амалга ошириш имкониятини юзага келтирди. Ҳеч кимга сир эмаски, бозор иқтисодиёти риск билан боғлиқ. У билан банк ходимлари ҳам, тадбиркорлар ҳам, аҳоли ҳам тўқнашади.Молиявий рискларни камайтиришда банклар муҳим ўрин тутади. Ташқи иқтисодий фаолиятнинг қайта қурилиши, халқаро алоқаларнинг кенгайиши бевосита ташқи иқтисодий фаолиятни амалга оширувчи корхона ва ташкилотлар фаолиятини мувофиқ равишда ўзгартиришларини такозо этади.