Davolash jismoniy tarbiyaning qo‘llanilishi homiladorlikning trimestrlariga bog‘liq, yaʼni 1-trimestr - 16 haftagacha, 2-trimestr - 17-32 haftalar, 3-trimestr - 33-40 haftalar. 1-trimestrda davolash jismoniy tarbiyani qo‘llashdagi vazifalari: 1. Homilaning rivojlanishiga optimal holatlarni yuzaga keltirish. 2. Homilador ayolni to‘liq nafas olishga o‘rgatish. 3. Asta-sekinlik bilan yurak-qon tomir va boshqa sistemalarni o‘sib boruvchi jismoniy yuklamalarga moslashtirish. 4. Homilador ayolni erkin holatda mushaklarni kuchlantirish va bo‘shashtirishga o‘rgatish. Homilaning tushushini oldini olish maqsadida qorin ichki bosimini keskin ko‘taradigan mashqlar tavsiya etilmaydi.