Boshlang‘ich sinflarda haftada 2 soat jismoniy tarbiya darsi hamda bog`chalarda olib borilayotgan haftada 3 marta jismoniy tarbiya mashg`ulotlari (15-20 daqiqadan 35 daqiqagacha) kichkintoylarni salomatligini mustahkamlash, ularning jismoniy tayyorgarligini yaxshilash, har tomonlama garmonik rivojlangan yetuk avlodni tarbiyalashga yetarli emas. O’sib kelayotgan yosh avlodning jismoniy va ma’naviy salomatligini shakllantirish, sog`lom turmush tarziga erishish va sportga mehr-muhabbatni singdirish uchun o’quv mashg`ulotlaridan tashqari o’tkaziladigan tadbirlarni keng qo’llash lozim.